الاستشارة النزلت الليلة حقت الطفلة البتهبش طفل في منطقة حساسة نبهتني لي موضوع مهم كنت حابه اناقشه معاكم و مع المختصين
في البيوت الكبيرة غير موضوع الفضول و الاستكشاف البكون عادي لحد ما
مرات حمانا الله و إياكم بحصل تحرش الأطفال ببعض طفل مراهق طفل صغير او حتي طفل صغير شاف اهله بمارسوا او اتعرض لتحرش بقوم بمارس الشافه مع باقي الأطفال في البيت و مرت علي استشارات في الخاص كتيرة زي دي …..
البحبطني فيها ان مع وعي الامهات للخطر البتعرض ليه أطفالهم و اجتهادهم لحمايتهم و توعيتهم…..
لكن بتجاهلوا الطفل التاني (المعتدي ) في حين انه وضعه اخطر لانه بقي يمارس كمان و يتعدي علي الأطفال الآخرين باختلاف أشكال التعدي …
و اسمع كتير جملة انا مالي و ملهم اني لي بعيالي
هسا لو اتكلمنا و قلنا شفنا بعيونا يطلعونا كذابين
مالي جايب مشاكل لي روحي
ماف زول حيصدق في ولده احسن اسكت
و بالرغم من انه طفل يتولد إحساس عداء و كراهية تجاهه
و مرات بكون المعتدي ولد اختها او اخوها و تفضل تسكت و تحل مشكلة ولدها بس و تتجاهل الطفل التاني ….
شنو الحل السليم و كيف نخاطب اهل الطفل التاني ؟؟؟؟
و نساعد الطفل المعتدي لانه برضو ضحية.
إيمان محمود
كيجالي رواندا
مايو 2021
Comments are closed