كيف تعرف ان الفلم او القيم مناسب لطفلك

نواصل في المقترحات للوسائل المساعدة علي ضبط مشاهدات ابناءنا في الميديا و برضو الالعاب الاكترونية
الويب سايت دا سمح شدييييد ورونا ليه ناس المدرسة
هي منظمة غير ربحية هدفها مساعدة الاهل علي حماية اطفالهم و تشجعين علي الاستعمال الآمن للميديا .

💝 تلقي فيه مقترحات لي احسن الافلام الاسرية و الكتب علي حسب الموضوع البتفتشي فيه و يربطك طوالي بي محل بيعه امازون مثلا.

💝تكتبي اسم فلم او مسلسل او لعبة يديك العمر كم و يديك ريفيو مفصل ليه اتصنفت كدا لي جنس او عنف او لغة بذيءية . 💝كتير بنكون ما عندنا زمن نحضر الفلم قبل اولادنا او انا مرات ما بحب ابيخه علي روحي و بكون دايرة احضره اول مرة معاهم فالريفيو حقه بديك تفاصيل التفاصيل مثلا يقول ليك الولد حيبوس البت في الدقيقة كدا 😂😂 في لقطة في الحلقة نمرة كدا البت بتعمل حركة ايحاءية، في لقطات دم

حتي المفاهيم و ردود الافعال الغلط البتكون في حوار او سيناريو الفلم و بترسل مسجات سلبية بشرحها ليك يعني ممن ينبهك لي حاجات انت زاتك ما كنتي منتبهة ليها.

💝 ريفيو الاهل مفيييييييد شديد اغلب الحاجات الاهل زاتهم معلقين عليها .
💝 معلومات و نصايح تربيوية بالذات في عالم التكنلوجيا لي كل الاعمار المناسب و غير المناسب. و مشاكل عالم الميديا.

ياريت لو في منكم ناس اتعاملت مع صفحات زي دي يشاركونا تجاربهم ..
دا رابط الصفحة.
https://www.commonsensemedia.org/