مواصلة لي مواضيع التكنلوجيا حنتكلم عن ابلكيشن مهم شديد و مجان و هو قوقل فاميلي لينك تنزلوه في تلفوناتكم و في اجهزة اولادكم و كدا بتربطوهم مع بعض فيه خاصيات كتيرة جدا..
🍬 تحديد مكان جهاز الطفل
🍬تحديد عدد الساعات الممكن يشتغلتها الجهاز
🍬تحديد مواعيد غلق و فتح الجهاز الصباح يفتح الساعة كم و المساء يقفل كم (لو موبايل بيستلم مكالمات حتي لو مقفول )
🍬ما بقدر ينزل اي برنامج مالم توافقي و تكتبي ايميلك و برضو ممكن تلفي الخاصية دي
🍬بتقدري تعرفي قضي في كل برنامج كم زمن خلال اليوم
🍬تقدري تعملي بلوك لي برامج معينة زي ما شايفين انا عاملة بلوك لي النيتفليكس في التلفون.
💞و في حاجات تانية احتمال انا ما مكتشفاها الناس المنزلنه شاركونا
يلا بس ناس السودان يتأكدوا هل بقدروا ينزلوه لاني كنت منزلاه و لمن مشيت السودان كنت عايزة اعدل فيه حاجة ما قدرت الا نزلت VPN
ايمان محمود
كيجالي رواندا
سبتمبر 2020
Comments are closed