💓شخصيات الاطفال ٤ 💓

الطفل قوي الإِرادة المصمم

الطفل من النوع الثالث هو الأكثر بروزاً.
💕عنيد بطبيعة الحال، يفضل النشاط الجسدي يتمرد كثيرا على الأوامر لينجز شيء ما بطريقته الخاصة.
دا الطوالي بنقول ليه اقعد رايق، ما تهبش ،خت الحاجة محلها ،بتنكش الدنيا مالك .

💕شعار الطفل قوي الإِرادة هو: (دعنا نحصل على نتائج!)
عكس الباحث عن المرح الفي البوست الفات قلنا بركز علي النشاط ما النتائج
.
💕يسعى وراء أهداف كبيرة و كتيرة في وقت واحد.
نشيط جدا جدآ و مغامر ، بحب الادوار القيادية في البيت او المدرسة او اثناء اللعب.
💕محفز ذاتياً ولا يحتاج إلى تحفيز من الآخرين يحب التحدي .
💕 مختصر واضح وصريح.

الأطفال ذوي الإرادة القوية مفعمون بالحيوية والشجاعة. بحبوا تعلم الأشياء بأنفسهم بدل قبوله من الناس .
هم عايزين يكونوا “مسؤولين” عن أنفسهم ، وفي بعض الأحيان يضعون رغبتهم في “أن يكونوا على حق” فوق كل شيء آخر
. لمن يختوا في راسهم حاجة ، أدمغتهم تواجه صعوبة في تبديل التروس 😂😂.

💕في الغالب الأطفال أصحاب الإرادة القوية عرضة للصراعات على السلطة مع والديهم. ومع ذلك ، فإن الصراع على السلطة يتطلب اثنين ما ضروى انك تشارك في كل مناقشة بجرجك ليها 🤣
حاول اقصي جهدك انك تأخذ نفسًا عميقًا عندما يتم الضغط عليك تذكر نفسك أنه يمكنك السماح لطفلك بحفظ ماء الوجه والحصول على ما يريد ، يمكنك تعلم تجنب صراعات القوة . (لا تدع طفلك البالغ من العمر أربع سنوات يجعلك تتصرف وكأنك في الرابعة من العمر!)..
يعني ما عيب انك تجر واطي 😂😂😂

💕ماف انسان بحب ياخد اومر ، لكن الأطفال ذوي الإرادة القوية بحسوا انه دا لا يطاق.
يمكن للاهل تجنب الصراع باعطاء اطفالهم خيارات و فهم ان الاحترام لازم يكون متبادل بين الطرفين فما تهين الطفل ولا تكسره
درب نفسك و طفلك علي طرق المفاوضات و التسوية بدل من فرض قوانين تفجر الموقف،لان الطفل قوي الارادة بحس بي انه كرامته معرضة للخطر لو اجبر علي الخضوع لكن اذا سمحت ليهم بالاختيار حيفضلوا التعاون ….

إن كسر إرادة الطفل يتركه عرضة لتأثير الآخرين الممكن يضروه .

💕 مهم جدا انك تفكر الاهم شنو خلق طفل مطيع ولا طفل يتمتع بالانضباط الذاتي و المسؤلية و يراعي الاخريين و انه يعمل الحاجة الانت طلبتها منه لاته بثق فيك و بقتنع بي كلامك ما بس لانه مفروض يسمع الكلام…….

١١ نصيحة للتعامل مع الطفل قوي الارادة:

❣تذكر انه بتعلم من تجاربه يعني لو ما هبش الكباية ولقاها حارة ما حيقتنع بي كلامك ،لو حاجة ما خطرة خليه يتعلم من تجاربه

❣الطفل قوي الارادة يحب القيادة ما تقول ليه ليه ما اتسوكت او امشي اتسوك تخليه يعمل لسته لي مهامه حقت اليوم و يتاكد بي نفسه من اداء مهامه بديه احساس بالاستقلالية.

❣دايما اديهم خيارات.

❣ اديهم حرية القرار تجاه اجسامهم (الجو بارد برا انا حالبس الجاكيت حقي ، لو انت حاسي انك ما بردان و ماعايز تلبس الجاكيت ماف مشكلة، لكن لو بردت حيكون صعب نرجع البيت نشيله رايك شنو نخته في الشنطة)

❣تجنب احتكاك و صدام اداء المهام اليومية بأنك تعملي جدول او روتين ثابت بي زمن و قوانين واضحة.

❣اتجنب انك تدفعه للصدام و المعاكسه
، فرض الاوامر بالقوة دايما يؤدي للصدام و القوي العكسية ،انت ممكن بي طريقتك الغلط تدفع الطفل لرفض طلبك بس علشان يعاند، اثناء الجدال انت حتقدر تحدد الزمن المفروض تاخد فيه نفس عميق و تغير سياستك و تذكر انك ممكن تكسب المعركة لكن تخسر علاقتك مع طفلك، لمن تشك ممكن تقول ليه انه ممكن يتخذ قرار او يتخذ جزء من القرار في الحدود البتناسبك و حدود صحة و سلامة الطفل .

❣ما تكسر طفلك و راعي لي مشاعره حتي لو اجبرته علي طاعتك ،وريه انك فهمت رايه و مستوعب احساسه بالضيق يعني تحاول تحفظ ماء وجهه.

❣استمع جيدا :انت كبالغ مقتنع بأن رايك سليم، لكن الطفل قوي الارادة برضو مقتنع بي انه رأيه صح علشان كدا هو متمسك بيه ،اسمعه و وريه انه انت فاهم وجهة نظره ،مثلا تسأله طيب انت ما عايز تستحم هسا ليه ؟؟؟

❣انظر للامور من جانبه حاول تحلل الموقف بي طريقته ، هو ممكن يغضب جدا لانك وعدته انكم تطلعوا لكن ما قدرت تطلعوا بالنسبه ليك هو عنيد و ما متفهم ،بالنسبة ليه انت ما وفيت بالوعد و ما التزمت بالحاجة القلت ليها ،و نفس الموقف دا لو قام بيه هو ممكن يتعاقب او يتلام عليه فالحل انك تعتذر و تفهم سبب غضبه الاساسي شنو .

❣عدل السلوك بتقوية العلاقة و ليس بالعقاب

❣امنحهم الاحترام التعاطف و التفاهم
المقال مترجم و مسودن

ايمان محمود أمين

كيجالي رواندا

2020