هوايات

الليلة الونسة عن الهوايات انا مقتنعة تماما انها بتلعب دور كبير جدا في دعم الثقة بالنفس و التوازن لمن ،تحس انك عندك خيارات اوسع في الحياة و تقييمك لي نفسك ما محصور علي الاكاديميات ،لو حصل ليك اي شيء لو فقدت مسارك او حسيت بالفشل الهواية بترفعك و تدعمك 💕💕
عززوا ثقة اولادكم في نفسهم في انكم تخلوهم يكتشفوا كل الجوانب الفيهم وسعوا ليهم الخيارات و افتحوا الطريق عشان يكتشفوا نفسهم 💕💕 ..
احكوا لينا عن شخصيات اطفالكم و هواياتهم و انجازاتهم صور شهادات تكريم اي شيء بفرحكم.
الناس اللسا اولادهم ما اكتشفوا نفسهم تعالوا اقروا مرات تشابه الشخصيات بساعد علي تحديد الهوايات …..

💞انا عندي عوض شخصيته هادية جدا مسالم ما بحب الرياضة الجماعية ممكن سباحة او تنس و لا الفياها صدام ..
و ما بحب الاختلاط بي ناس كتيرة ولا جديدة بحب يعمل الحاجات البتحتاج زول واحد يعني ما مجموعة عشان كدا اكيد بحب الفيديو قيمز و التصميم الرسم ، و الموسيقي بعزف فلوت و بيانو ….

💞فرح حركية اجتماعية من صغيرة بتحب الجمباز و الرقيص (ماعارفاها طالعة لمنو 🙄🤣)
و بتحب كل انواع الرياضة تلعب كرة سلة كرة قدم في فريق المدرسة (فترة كانت البت الوحيدة في الفريق و الاولاد الكانوا في الاحتياطي كانوا زعلانين عشان شالت مكانهم😅)
صورتهم مع لاعب قالوا مشهور 🤣🤣 اسمه دروقبا انا و ابوها علاقتنا صفر مع الكورة ..
بتحب شغل اليد عمل صلصال سلايم و الطبخ جدا جدا بتعمل تحليات رهيبة 😋